'O ke ola o ka 'olelo makuahine a me na waiwai Hawai'i ka piko o nei kula 'o Kawaikini kona inoa. 'O ka 'olelo Hawai'i ke lohe nui 'ia ma loko a ma waho ho'i o ka wa a'o mai ka papa Malaa'o a hiki aku i ka papa 'elima. E ho'omaka no na'e ke a'o kuhelu 'ia o ka 'olelo Pelekania mai ka papa 'elima no ho'okahi hola o ka la. Ma hope mai, mai ka papa 6 a hiki aku i ka papa 12, malama 'ia kekahi o na papa ma ka 'olelo Hawai'i a 'o kekahi ho'i, ma ka 'olelo Pelekania no. 'O ka pahuhopu nui ka hele 'ana o na haumana o Kawaikini a walewaha no ma keia mau 'olelo a i 'elua.
He mea nui ma Kawaikini, ka malama 'ia 'ana o na 'ao'ao a pau o ke a'o haumana, 'o ka 'olelo 'oe, na loina 'oe, a 'o kekahi mea nui, ka 'olelo o kahiko, "Ma ka hana ka 'ike". He manuahi no ho'i ke komo 'ana i ke kula 'o Kawaikini.
'Oiai, he mea ko'iko'i no ka 'ohana, paipai nui 'ia ke komo pu o ka 'ohana i ke a'o a me ka hana ma Kawaikini. I mea ho'i keia e pa'a pono ai ke kahua o kela me keia keiki, i ku ai ho'i ka hale o ka 'ike me ka na'auao.
